കൌമുദിയുടെ പാതകം (മണ്ടത്തരം)

കേരള കൌമുദി ഒരു രണ്ടാം നിര പത്രമാണ്‌. അവര്‍ സ്പോര്‍ട്സ് മാസിക നടത്തുന്നുമില്ല. എന്നാലും നൂറു വര്‍ഷങ്ങള്‍ ആയി തങ്ങള്‍ ഈ പണി തുടങ്ങിയിട്ടെന്നു അവകാശപ്പെടുമ്പോള്‍ ഇങ്ങനെ പറ്റാമോ? സ്പെയിന്‍കാരനായ പാവം സെര്‍ജിയോ റാമോസിനു മലയാളം അറിയില്ലെന്ന് കരുതി ഇങ്ങനത്തെ തോന്നിവാസമോക്കെ ചെയ്യാമോ? അതോ കൌമുദി സ്പെയിനില്‍ സര്‍ക്കുലേഷന്‍ ഇല്ലെന്ന ധൈര്യമാണോ? ഊ സംഭവം പറയാന്‍ മറന്നു. ഫോട്ടോ കണ്ടില്ലേ. അതാണ്‌ സംഭവം. ഇന്ന് 05/09/2010 ലെ പത്രത്തിന്റെ കായിക താളിലെ ചിത്രമാണ്.

അതിന്റെ അടിക്കുറിപ്പ് ഒന്ന് കൂടി ഇവിടെ കൊടുക്കുന്നു.
" ലീച്ചന്‍സ്‌റ്റെയ്‌നെതിരെ സ്പാനിഷ് താരം ഡേവിഡ്‌ സില്‍വയുടെ പ്രകടനം. സ്പെയിന്‍ 4-0 ത്തിന് ജയിച്ച മത്സരത്തില്‍ സില്‍വ ഒരു ഗോള്‍ നേടി."

സത്യമാണ്. കക്ഷി ഒരു ഗോളും നേടി സ്പെയിന്‍ മേല്പറഞ്ഞ മാര്‍ജിനില്‍ ജയിക്കുകയും ചെയ്തു. പിന്നെ എന്താണെന്നോ? ആ പടമൊന്നു നോക്കിയേ. സ്പാനിഷ്‌ കളിക്കാരന്റെ നമ്പര്‍ 15. റാമോസ് എന്ന് ഇംഗ്ലീഷില്‍ എഴുതിയത് വ്യക്തമായി കാണുകയും ചെയ്യാം. ഒഴിഞ്ഞു മാറുന്ന ലീച്ചന്‍സ്‌റ്റെയ്ന്‍ താരം ലൂക്കാസ് ബെര്‍ളിയുടെ നമ്പര്‍ കാണുന്നില്ലെങ്കിലും ഒരു സ്പോര്‍ട്സ് ലേഖകന് മനസ്സിലാക്കാവുന്ന ചിത്രമാണ് അത്. കൌമുദി ലേഖകന് ഇംഗ്ലീഷ് അറിയില്ലായിരിക്കാം. പക്ഷെ മലയാളികള്‍ കുറച്ചൊക്കെ ആ ഭാഷയും വായിക്കാന്‍ അറിയാവുന്നവരാണ് പ്രിയ പത്രാധിപരെ. എന്നിട്ടും സെര്‍ജിയോ റാമോസിനെ ഡേവിഡ്‌ സില്‍വ ആക്കാന്‍ കാണിച്ച ധൈര്യത്തിന് നമോവാകം.
ഇതേ തെറ്റ് ഇന്ന് മാത്രുഭുമിക്കും പറ്റി. ആ അക്കിടി കാണാന്‍ ഇവിടെ പോകാം.
ഇനി ആ ചിത്രത്തിന്‍റെ ഒറിജിനല്‍ ലിങ്ക് കാണണം എന്നുള്ളവര്‍ക്ക് ഇവിടെ ക്ലിക്കാം. ഒരു നിമിഷത്തിന്റെ വ്യത്യാസത്തില്‍ എടുത്ത ചിത്രമാണ് അത്.